Jeremiah 27
Judah in Nebuchadnezzar Na Sem
1Joshiah tapa Zadekiah ▼▼27.1 Hebrew khutgelh tawmkha le Syriac (Jer. 27:3, 12 le 28:1 en in);Hebrew khutgelh khempeuh ah Jehoiakim (Septuagint khutgelh khempeuh in hih tang nei lo hi.)
Judah kumpi a suah tung lai-in Jeremiah tungah TOPA thu tunga: 2TOPA in kei tunga hong gen hih ahi hi: “Hakkol khat sui-in savun namkhau tawh bulhin na ngawngah thuah in. 3Tua khit ciangin Judah kumpipa Zedekiah tawh kimu dinga Jerusalem a hong pai taangmite tungtawnin Edom, Moab, Ammon, Tyre le Sidon kumpite tungah thu zasak in. 4Amaute in a pute uh tungah, ‘Hih in Israel Pasian Thahatpen TOPA gen ahi hi: “Na pute uh tungah: 5Keimah in ka vanglianpi tawh ka khut zanin leitung le a mite le a tunga om ganhingte ka bawla piak tuak ka sak khatpeuh ka pia hi. 6Tu-in ka nasem Babylon kumpipa Nebuchadnezzar tungah na gam khempeuh uh ka ap ding hi; gamsate nangawn ama nasem ka suaksak lai ding hi. 7Ama gam neih hun tan a tun matengin amah a kipan a tapa khang, a tupa khang dong minamte kumpite in a na sem ding uh a; tua ciangin minam tampite le kumpi lian tampi in amah nasemin leh neih ding uh hi. b 8 “‘“Minam ahikeh kumpi gam khatpeuh in Babylon kimpipa Nebuchadnezzar’ na sem loin a hakkol nuai-ah a ngawng a kun kei leh tua mun ama khuta a suksiat mateng namsau, kialpi le pulpi-in dan ka tuaksak ding hi, TOPA in cikhia a, 9tua ahi ciangin, ‘Babylon kumpipa na sem kei un,’ hong ci na kamsangte uh, na aisante uh, na mangkhiate uh, na sikhasamte uh le na mangsantheite uh thu na ngai kei un. 10Na gam panun gamlapi-a a om theih nadingun zuauthu a genkhol uh hi-a, keimah in note hong delh khia-in, na mangthang ding uh hi. 11Ahi hangin Babylon kumpipa hakkol nuai-ah minam khatpeuh in a ngawng dawhin a na a sep leh amau gam hun neih tan tua minam amau gamah a tengsak ding hi,” TOPA in cikhia hi , ci-in gen in,’ hong ci hi,” a ci hi. 12 Judah kumpipa Zedekiah tungah zong tua thu mah ka gen hi. Ama tungah, “Babylon kumpipa hakkol pua-in amah le a mite na sem lecin na nungta ding hi. 13Bang hangin Babylon kumpipa na sem lo minam peuhmah in a thuak dinga TOPA sehsa bangin nang le na mite namsau, kialpi le pulpi-in si ding na hi uh hiam? 14Note tungah, ‘Babylon kumpipa na na sem ngei kei ding uh hi,’ hong ci kamsangte thugen ngai kei un, amaute zuau kamsang ahi uh hi. 15‘Amaute ka sawl kei hi’ TOPA in cikhia hi. ‘Amaute in kei minin zuau kam a sang uh hi. Tua ahi ciangin nang kong nawhkhia dinga nang le nang tunga zuau kam a sang kamsangpa na siakhawm ding uh hi,’ ci hi,” ka ci hi. c 16 Tua ciangin siampite le hih mite khempeuh tungah, “Hih in TOPA gen ahi hi: Tu mahmah a sawt loin TOPA inn sunga van zatte Babylon panin hong kipuak kik ding hi,’ a ci kamsangte thu ngai kei un. Amaute in no tungah a zuau kamsan uh hong gen uh ahi hi. 17Amaute thu ngai kei un. Babylon kumpipa na sem un, na nungta ding uh hi. Bang hangin hih khuapi kisia zenzen ding ahi hiam? 18Amaute kamsang hi-in, TOPA thu amau tungah tung ahileh TOPA inn sung, Judah kumpipa inn sung le Jerusalem a om lai vanzatte Babylon ah a kipuak loh nadingin Thahatpen TOPA tungah ngen uh hen. 19Ahang in, Thahatpen TOPA in, hih khuapi sungah a kinusia khuampite, Tuipi le a kikhin thei a tunnate le vanzat dangte 20Babylon kumpipa Nebuchadnezzar in Jerusalem pan Babylon ah Judah kumpipa Jehoiakim tapa Jehoiachin ▼▼27.20 Hebrew ah Jeconiah; Jehoiachin tawh kilamdang lo;
in a puak lai-in Judah le Jerusalem a uliante tawh a puakkhawm loh ahi hi - 21hi hi, Israel Pasian Thahatpen TOPA in, TOPA inn sung, Judah kumpipa inn sung le Jerusalem a kinusia vante thu a genna hih ahi hi: 22“Amaute Babylon ah kipuak dinga, amaute adingin kong pai hun a tun mateng tua lai-ah a om tadih ding uh hi,’ TOPA in cikhia hi. ‘Tua ciangin hih munah ka puak kik dinga, a kikoihsuak ding hi,’ ci hi,” a ci hi. e
Copyright information for
ZomZIV